ຄຳແມ່ສອນ, ທ່ານ ສີຈິ້ນຜິງ ຈື່ໄດ້ດີທັງຍຶດໝັ້ນອຸດົມການແຕ່ຫົວທີຂອງຕົນ

*ຢູ່ຫ້ອງການຂອງທ່ານ ສີຈິ້ນຜິງ ປະທານປະເທດຈີນ ມີຮູບຖ່າຍຫລາຍໃບຂອງທ່ານທີ່ຖ່າຍນຳພໍ່ແມ່ແລະຄອບຄົວ, ແຕ່ມີຮູບຖ່າຍໃບໜຶ່ງທີ່ບັນທຶກເຫດການການຈັບມືແມ່ຍ່າງຫລິ້ນ ຊຶ່ງເປັນພາຍທີ່ປະທັບໃຈຫລາຍ. ຂະນະດຽວກັນ, ການ​ອົບ​ຮົມ​ບົ່ມສອນຈາກການປະພຶດ​ດີຂອງແມ່ສົ່ງອິດທິພົນຕໍ່ທ່ານຕະຫລອດຊີວິດ.ຈົນມາຮອດປັດຈຸບັນ, ທ່ານ ສີຈິິ້ນຜິງ ຍັງຈື່​ບໍ່​ລື​ມວ່າ:ຕອນ​ອາ​ຍຸ 5-6 ຂວບ, ແມ່ເຄີຍເຈ່ຍ​ຕົນໄປຊື້ປຶ້ມຮູບແຕ້ມ “ຢ້ວຍເຟີ່ຍຢູຮ້ານຂາຍປຶ້ມຊິນຮວາ “. ແມ່ເລົ່າສູ່ຟັງວ່າ: “ແມ່ ຢ້ວຍ​ເຟີ່ຍ ໄດ້​ສັກຕົວໜັງສືໃສ່ຫລັງຂອງລາວໂດຍມີຂໍ້ວ່ຄວາມາ “ຄວນຈົງຮັກພັດດີເພື່ອຕອບແທນບຸນຄຸນປະເທດຊາດ” ຊຶ່ງ​ຄຳ​ນີ້​ເໝືອນວ່າ​ ເປັນການ​ປູກ​ຝັງ​ແນວ​ພັນໃສ່ໃຈຂອງທ່ານ ສີຈິ້ນຜິງ ທີ່ນຳມາສູ່ການເຮັດໃຫ້ທ່ານຈື່ໃນໃຈຕະຫລອດ ແລະ ກາຍເປັນເປົ້າໝາຍທີ່ສະແຫວງຫາຊົ່ສຊີວິດຂອງທ່ານ.

ທ່ານ ສີຈິ້ນຜິງ ເຄີຍກ່າວວ່າ: “ຜູ້ເປັນພໍ່ແມ່ ແລະ​ ຜູ້​ປົກ​ຄອງ ຄວນ​ສອນຄຸນສົມບັດທີ່ດີງາມໃຫ້ແກ່ລູກ, ​ສອນ​ໃຫ້ເຂົາເຈົ້າ​ປະ​ພຶດ​ຕົນ​ໃຫ້​ເປັນ​ຄົນ​ເຂັ້ມແຂງ ​ກ້າ​ຫານ ​ແລະ​ ຊື່​ສັດ​ສຸດ​ຈະ​ລິດ, ຊ່ວຍເຂົາເຈົ້າເສີມສ້າງຈິດໃຈທີ່ດີງາມ, ເຮັດໃຫ້ເຂົາເຈົ້າໃຫຍ່ຢ່າງ​ປອດ​ໃສແລະກາຍເປັນຄົນທີ່ມີປະໂຫຍດຕໍ່ຊາດແລະປະຊາຊົນ. ”ຄອບຄົວ ທ່ານ ສີຈິ້ນຜິງ ໄດ້ສອນຄວາມຮັກທີ່ມີຕໍ່ຄອບຄົວແລະ ຈິດ​ໃຈ​ຮັກຊາດທັງໄດ້ສ້າງນິດໄສທີ່ເຂັ້ມແຂງ,ກ້າຫານແລະ​ຊື່​ສັດ​ສຸດ​ຈະ​ລິດໃຫ້ທ່ານ.ພໍ່ແມ່ຂອງທ່ານ ສີຈິ້ນຜິງ ໄດ້ຍຶດໝັ້ນແບບແຜນຄອບຄົວທີ່ເຂັ້ມງວດໂດຍການອົບຮົມສັ່ງສອນລູກເຕົ້າ,ຮັກສາມູນເຊື້ອດຸໝັ່ນ ແລະ ປະຢັດມັດທະຍັດ. ທ່ານ ນາງຊີຊິນ ຜູ້ເປັນແມ່ໄດ້ເປັນແບບຢ່າງຈາກການປະຕິບັດຕົວຈິງ ຊຶ່ງໄດ້ສົ່ງອິດທິພົນແລະ ສອນລູກເຕົ້າດ້ວຍແບບແຜນຄອບຄົວທີ່ດີງາມ. ເພິ່ນທັງເບິ່ງແຍງລູກດີທັງປະຕິບັດໜ້າທີ່ຂອງຕົນດີ, ບໍ່ວ່າຈະອິດເມື່ອຍລຳບາກປານໃດກໍຕາມ, ເພິ່ນລ້ວນແຕ່ຍຶດໝັ້ນຖືເອົາໜ້າທີ່ການງານເປັນສຳຄັນ ແລະ ບໍ່ໃຫ້ເລື່ອງຄອບຄົວກະທົບຕໍ່ວຽກງານ ເມື່ອຫຍຸ້ງຍາກກໍຈະຜ່ານຜ່າໂດຍຕົນເອງ. ເປັນເວລາດົນນານມາແລ້ວ, ທ່ານ ນາງຊີຊິນ ໄດ້ຍຶດໝັ້ນແບບແຜນວິທີດຳລົງຊີວິດປະ ຢັດ ແລະ ຮຽບງ່າຍ ໂດຍບໍ່ໄດ້ໃຊ້ສິດພິເສດໃນຖານະເປັນພັນລະຍາຂອງທ່ານ ສີຈົ້ງຊຸນ ຮອງນາຍົກລັດຖະມົນຕີຈີນໃນເວລານັ້ນ. ເວລາລູກເຕົ້າກິນນອນກຢູ່ໂຮງຮຽນ ຫລື ຢູ່ໂຮງລ້ຽງເດັກ,ທ່ານບໍ່ໄດ້ຈ້າງແມ່ເຮືອນມາຊ່ວຍ.ບໍ່ເຄີຍຄິດຈັກເທື່ອທີ່ຈະສວຍໃຊ້ຕຳແໜ່ງຂອງສາມີ ສັບຊ້ອນ ບ່ອນເຮັດວຽກໃກ້ເຮືອນຕົນ.ທີ່ໂດດເດັ່ນເພິ່ນໄດ້ເຂົ້າຮ່ວມກິດຈະກຳການຕ່າງປະເທດໃນຖານະພັນລະຍາຮອງນາຍົກລັດຖະມົນຕີພຽງແຕ່ເທື່ອດຽວເທົ່ານັ້ນ. 

ທ່ານ ສີຈິ້ນຜິງ ໄດ້ຮັບອິດທິພົນຈາກແບບແຜນຄອບຄົວທີ່ຊື່ສັດສຸດຈະລິດແລະປອງດອງ,ເພິ່ນໄດ້ປະພຶດຕົນຕາມແບບແຜນປະຢັດມັດທະຍັດ,ຮຽບງ່າຍ ແລະ ຕິດແທດຕົວຈິງ. ຂະນະດຽວກັນ, ເພິ່ນໃຫ້ຄວາມສໍາຄັນຕໍ່ຄອບຄົວກໍຄືຄວາມຮັກແພງຂອງງຄົນໃນຄອບຄົວ. ແຕ່ຍ້ອນເປັນພະນັກງານການນຳແລະມີວຽກຫລາຍນັ້ນ ຈິ່ງເປັນເລື່ອງປົກກະຕິທີ່ທ່ານບໍ່ສາມາດກັບໄປຢາມບ້ານໃນມື້ບຸນສຳຄັນຕ່າງໆ. ບຸນກຸດຈີນປີ 2001, ທ່ານນາງ ຊີຊິນ ໄດ້ຕີສາຍລົມກັບທ່ານສີຈິ້ນຜິງ ທີ່ຕອນນັ້ນເປັນເຈົ້າແຂວງໆຝູຈ້ຽນໂດຍໄດ້ຖາມຂ່າວແລະສອນລູກວ່າ:“ຂໍພຽງແຕ່ລູກເຮັດວຽກໃຫ້ດີກໍຖືວ່າແມ່ນຄວາມກະ​ຕັນຍູຕໍ່ພໍ່ແມ່ແລ້ວ, ນີ້ຄືຄວາມຮັບຜິດຊອບຕໍ່ຄອບຄົວແລະຕໍ່ລູກເອງ ທັງສອງຢ່າງນີ້ຕ້ອງເປັນໜຶ່ງດຽວ. “ຄອບຄົວ​ນ້ອຍ” ​ແລະ “ຄອບຄົວ​ໃຫຍ່” ມີ​ຕົ້ນກຳ​ເນີດ ດຽວ​ກັນ. ຄວາມ​ເຂົ້າ​ໃຈ ​ແລະ ການສະໜັບສະໜູນ​ຂອງ​ແມ່​​ເຕັມ​ໄປ​ດ້ວຍ​ຄວາມ​​ຫວັງ​ທີ່ສົ່ງຜົນທາງຈິດ​ໃຈ​ໃຫ້ “ກ້າຮັບຜິດຊອບ” ​ແລະ “ປະຕິບັດ​ໜ້າ​ທີ່​ຢ່າງ​​ມີ​ຄວາມ​ຮັບ​ຜິດ​ຊອບ​ສູງ”. ໂດຍ​ຍຶດ ໝັ້ນ​ຈິດ​ໃຈ​​ເຮັດ​ວຽກ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ, ທ່ານ​ ສີ​ຈິ້ນ​ຜິ​ງ ​ໄດ້​ຖື​​ເອົາ​ຊີວິດ​ການ​ເປັນ​ຢູ່​ທີ່​ດີງາມຂອງປະຊາຊົນ​​ນັບ​ພັນ​ເປັນ​ໝື່ນ​ຄອບຄົວ​ເປັນ​ເປົ້າ​ໝາຍ​ສູ້​ຊົນ​ຂອງ​ຕົນ. 

“ທັດສະນະ​ການ​ປົກຄອງ​ຂອງ​ຂ້າພະ​ເຈົ້າ, ​ເວົ້າ​ໂດຍຫຍໍ້ແລ້ວ​ກໍ​​ຄື ຮັບ​ໃຊ້​ປະຊາຊົນ, ແບກ ​ຫາບ​ຄວາມ​ຮັບຜິດຊອບ​ຂອງ​ຕົນ” ຫລາຍ​ປີຜ່ານ​ມາ​ບໍ່​ເຄີຍປ່ຽນ​ແປງ, ລົງ​ຮາກ​ຖານ​ຢ່າງ​ທົ່ວເຖິງ, ​ເຮັດ​ແທ້​ທຳ​ຈິງຢູ່​ຄຽງບ່າຄຽງໄຫລ່ກັບ​ປະຊາຊົນ, ທ່ານ ​ສີ​ຈິ້ນ​ຜິ​ງ​ ໄດ້​ຮັກສາ​ອຸດົມ​ການ​ເຮັດ​ວຽກ​ເພື່ອ​ປະ​ຊາ​ຊົນ​ໂດຍ “ຮັກ​ປະຊາຊົນ​ຄື​ຮັກ​ພໍ່​ແມ່​ຂອງ​ຕົນ” ແຕ່​ຫົວທີ.ຄວາມ​ປອດ​ໃສ​ຂາວ​ສະອາດ​ແມ່ນ​ກຳລັງ​ທີ່ເປັນນາມ​ມະ​ທຳ ທັງ​ແມ່ນ​ຜົນ​ຕອບ​ແທນ​ທີ່​ດີ​ທີ່​ສຸດ​ໃຫ້​ແກ່​ຄອບຄົວ.​​ແຕ່​ລະກ້າວເດີນຂອງ​ທ່ານ ​ສີ​ຈິ້ນ​ຜິ​ງ, ທ່ານນາງ​ ຊີ​​ຊິນ ຈະ​​ໃຫ້​ກຳລັງ​ໃຈ ​ແລະ ສັ່ງສອນ​ທັນທີ. ມີ​ເທື່ອ​ໜຶ່ງຢູ່​ຕໍ່ໜ້າ​ລູກ​ຊາຍ​ ​ແລະ ລູກ​ສາວ, ທ່ານ​ນາງ ຊີ​ຊິນ ໄດ້ສອນ​ວ່າ: “ບໍ່​ຄວນ​ໃຫ້​ເລື່ອງ​ນ້ອຍ​ໃນ​ຄອບຄົວໄປກະທົບ​ຕໍ່ໜ້າ​ວຽກ.​”ທ່ານ​ ສີ​ຈົ້ງ​ຊຸ່ນ ຟັງ​ແລ້ວ​ກໍ​ເວົ້າ​ຢ່າງ​ເຄັ່ງ​ຄັດ​ວ່າ: “​ເລື່ອງ​ໃຫຍ່​ກໍ​ບໍ່​ໃຫ້​ກະທົບ​ຕໍ່​ໜ້າ​ວຽກ​ເຊັ່ນ​ກັນ.”ໃນ​ເວລາ​ທ່ານ​ ສີ​ຈິ້ນ​ຜິ​ງ ດຳລົງ​ຕຳ​ແໜ່​ງ​ເຈົ້າ​ແຂວງ​ໆ​ຝູ​ຈ້ຽນ, ທ່ານ​ນາງ​ ຊີ​ຊິນ​ໄດ້​ຂຽນ​ຈົດໝາຍ​​ເຖິງທ່ານ​ ແລະ ບັນຈົງ​ຂຽນ​ດ້ວຍ​ຄວາມໜັກ​ແໜ້ນວ່າ: “ຢູ່​ບ່ອນ​ສູງຈະ​ຮູ້ສຶກ​ທົນ​ຄວາມໜາວ​ກະດ້າງໄດ້​ຍາກ”ໝາຍຄວາມວ່າຕ້ອງປະພຶດ​ຕົນຢ່າງ​ເຂັ້ມ​ງວດກວ່າ​ເກົ່າ. “ຄົນ​ຜູ້​ໜຶ່ງ ​ຫາກ​ບໍ່​ສາ​ມາດ​ເຂັ້ມ​ງວດ​ຕໍ່​ຕົນ​ ​ແລະ​ ຂາດ​ຄວາມ​ປອດ​ໃສ​ຂາວ​ສະ​ອາດ​ກໍ​ຈະ​ເປັນ​ຄົນ​ໄຮ້​ຄວາມ​ຊື່​ສັດ​ສຸດ​ຈະ​ລິດ. ຕ້ອງ​ຈື່​​ເຫດ​ຜົນ​ທີ່​ວ່າ: ຄວາມ​ປອດ​ໃສ​ຂາວ​ສະ​ອາດ​ຄືການມີ​ໂຊກ, ​ໂລບມາກໂລ​ພາ​ຄືໄພ, ການສ້າງ​ທັດ​ສະ​ນະ​​ຕ້ອງຖືກ​ຕ້ອງ​ຕໍ່​ສິດ​ອຳ​ນາດ,ຖາ​ນະ​, ຜົນ​ປະ​ໂຫຍດ.ເວ​ລາ​ໃດ​ກໍ​ຕ້ອງ​ມີ​ຈິດ​ໃຈ​​ເດັດ​ດ່ຽວ, ຄວບ​ຄຸມ​ການ​ປະ​ພຶດ​ຕົນ ​ແລະ​ ຮັກ​ສາ​ຄວາມ​ປອດ​ໃສ​ຂາວ​ສະ​ອາດ​ໃຫ້​ໄດ້. ” ທາດ​ແທ້​ການສ້າງ​ພັກ​ເພື່ອ​ປະ​ຊາ​ຊົນ,ປະ​ຕິ​ບັດ​ໜ້າ​ທີ່​ວຽກ​ງານ​ເພື່ອ​ສ່ວນ​ລວມ​ດ້ວຍ​ຄວາມ​ປອດ​ໃສ​ຂາວ​ສະ​ອາດ​ໃນ​ລັກ​ສະ​ນະ​ນີ້​​ສະ​ແດງ​​ໃຫ້​ເຫັນ​ຢ່າງ​ພົ້ນ​ເດັ່ນ​ໃນ​ແນວ​ຄິດ​ແລະ​ພຶດ​ຕິ​ກຳ​ຕົວ​ຈິງ​ຂອງ​ທ່ານ ​ສີ​ຈິ້ນ​ຜິງ​ ໃນ​ການ​ບໍ​ລິ​ຫານ​ປະ​ເທດ.ທ່ານ​ນາງ​ ຊີ​ຊິນ​ ຈື່​ຄຳ​ເຕືອນ​ຂອງ​ສາ​ມີ​​ເພື່ອເປັນ​ຄະ​ຕິ​ເຕືອນ​ໃຈ​ປະ​ຈຳ​ຊີ​ວິດ​ຕົນ​ຄື “ເຮັດ​ວຽກ​ໃຫ້​ດີ, ຮ່ຳ​ຮຽນ​ໃຫ້​ດີ, ທຸກ​ສິ່ງ​ຕ້ອງ​ແກ້​ໄຂ​ໃຫ້​ດີ​ໝົດ.”

ເຖິງ​ວ່າຈະ​ປະ​ສົບ​ກັບ​ສະ​ພາບ​ຫຍຸ້ງ​ຍາກ​ລຳ​ບາກ, ແຕ່​ທ່ານ​ນາງ ​ຊີ​ຊິນ ​ພ້ອມ​ລູກ​ເຕົ້າ​​ກໍ​ບໍ່​ໄດ້​ທໍ້​ຖອຍ,​ ເພິ່ນ​ ຮັກ​ ​ແລະ ເອົາ​ໃຈ​ໃສ່​ຄອບ​ຄົວ​ດ້ວຍ​ຈິດໃຈທີ່​ເຂັ້ມ​ແຂງ​ແລະ​ເມດ​ຕາ​ຂອງຄວາມເປັນ​​ແມ່. ຈາກ​ຈິດ​ໃຈ​ທີ່​ເຂັ້ມ​ແຂງ​ຄື​ແນວ​ນີ້, ທຸກ​ຄົນ​ໃນ​ຄອບ​ຄົວ​ໄດ້​ຮ່ວມ​ກັນ​ຜະ​ເຊີ​ນ​ອຸ​ປະ​ສັກ​​ຄວາມ​ຫຍຸ້ງ​ຍາກ​ລຳ​ບາກ​ຕ່າງໆ​​ທີ່​ເກີດ​ຂຶ້ນ​ໃນ​ຊີ​ວິດ​ດ້ວຍ​ຄວາມ​ເຊື່ອ​ໝັ້ນ​​ເດັດ​ດ່ຽວ​ໜຽວ​ແໜ້ນ​ແລະ ມີ​ທັດ​ສະ​ນະ​ເບິ່ງ​ໂລກ​ໃນ​ແງ່​ດີ.

ເມື່ອສະ​ບາຍກໍຍັງ​ສາ​ມາດ​ຮັກ​ສາ​ທາດ​ແທ້​ຂອງ​ຕົນ, ​ໃນ​ສະ​ພາບ​ທີ່​ຫຍຸ້ງ​ຍາກ​ລຳ​ບາກ​ແຮ່ງ​ມີ​ຈິດ​ໃຈທຸ່ນທ່ຽງ. ປະ​ສົບ​ການ​ບຸກ​ບືນ​​ຂອງ​ພໍ່​ແມ່​ໄດ້​ສົ່ງ​ອິດ​ທິ​ພົນ​ຢ່າງ​ເລິກ​ເຊິ່ງ​ຍາວ​ນານ​ຕໍ່ທ່ານ ​ສີ​ຈິ້ນ​ຜິງ.ຫລາຍ​ປີ​ຜ່ານມາ​, ບໍ່​ວ່າ​ວຽກ​ງານ​ແລະ​ຕຳ​ແໜ່ງ​ຈະ​​ປ່ຽນ​ແປງ​ແນວ​ໃດ, ທ່ານ​ ສີ​ຈິ້ນ​ຜິງ​ ຍັງ​ຈື່​ຄຳ​​ສອນ​ຂອງ​ແມ່ແລະ​ ຍຶດ​ໝັ້ນ​ອຸ​ດົມ​ການ​ແຕ່​ຫົວ​ທີ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ. 

error: ເນື້ອຫາໄດ້ຮັບການປົກປ້ອງ !!