ສຸດສະເທືອນໃຈ ຈົດຫມາຍລາຕາຍ
ເຖິງແມ່! ຈາກລູກຂີ້ຄຸກ😔
ຄັ້ງຫນື່ງ ມີນັກໂທດ
ຖືກໂທດປະຫານຊີວິດ
ກ່ອນນາທີປະຫານ
ສາມາດສັ່ງລາຄອບຄົວ
ລາວຂໍບິກແລະເຈ້ຍ
ລາວຂຽນຈົດຫມາຍຫາແມ່
ແລະ ໃຫ້ເຂົາເຈົ້າສົ່ງໃຫ້ແມ່!
ໃນຈົດຫມາຍຂຽນວ່າ:
ຖ້າໂລກນີ້ຍຸດຕິທຳຈິງ
ນອກຈາກລູກ ຍັງມີແມ່
ທີ່ຄວນຖືກປະຫານ!
ເພາະວ່າລູກຖືກໂທດ
ແຕ່ແມ່ກໍມີສ່ວນຮ່ວມ
ເພາະແມ່ຢູ່ເບື້ອງຫລັງ
ການກໍ່ໂທດກຳຂອງລູກ!
ຕອນຍັງນ້ອຍ
ລູກລັກຫມາກມີ້ຂ້າງບ້ານ
ແມ່ໄດ້ລັກເຊື່ອງໄວ້
ເພື່ອບໍ່ໃຫ້ພໍ່ໂວຍວາຍ!
ລູກຕີກັນກັບພວກຫມູ່
ແມ່ອອກມາຕີພວກມັນໃຫ້ເຈັບ
ໂດຍບໍ່ຕ້ອງຮູ້ສາຍເຫດ
ຍ້ອນຫຍັງ, ມາຈາກໃສ!
ຕອນລູກເສັງໄດ້ຄະແນນຕ່ຳ
ແມ່ວິ້ງເຕັ້ນບ່ອນນັ້ນບ່ອນນີ້
ຂໍຄະແນນໃຫ້ລູກ
ເພື່ອໃຫ້ໄດ້ຂື້ນຫ້ອງ!
ມີເທື່ອພໍ່ສອນລູກ
ແມ່ແລ່ນມາປົກປ້ອງ
ຮ້າຍພໍ່ວ່າຢ່າເຂັ້ມງວດ
ລູກຍັງນ້ອຍຢູ່!
ໃຫຍ່ມາອີກຫນ້ອຍຫນື່ງ
ລູກຫລິ້ນກິນເສເພ
ແມ່ກໍຍັງບໍ່ຮ້າຍ
ຍັງຮັກໄຮ້ຂອບເຂດ…
ແລະແລ້ວເລື່ອງຫຍັງມັນຊິເກີດ
ມັນກໍຕ້ອງເກີດ
ລູກຖືກໂທດຂ້າຄົນ
ຍ້ອນປຸ້ນຊັບ, ຂ້າຄົນ…
ແມ່ເອີຍ! ລູກຕອນຍັງນ້ອຍນັ້ນ
ຄວນຖືກລົງໂທດ
ແຕ່ແມ່ກໍມາແກ້ຕ່າງ
ແລະເຂົ້າຂ້າງແຕ່ລູກ!
ຖ້າແມ່ເຂັ້ມງວດຄືພໍ່
ລູກຄືຊິບໍ່ຊົ່ວຊາມ
ຖ້າແມ່ບໍ່ຂໍຄະແນນ
ລູກຄືຊິຕັ້ງໃຈຮຽນ…
ແມ່ໄດ້ມອບຊີວິດໃຫ້ລູກ
ແຕ່ແມ່ກໍຢຶດມັນຄືນໄປ
ຍ້ອນຕອນລູກເຮັດຜິດ
ແມ່ບໍ່ເຄີຍຮ້າຍຫຍັງ!
ຈົດຫມາຍທີ່ລູກຂຽນນີ້
ບໍ່ແມ່ນເພື່ອຕິຕຽນແມ່ດອກ
ແຕ່ແມ່ນລູກຢາກສົ່ງບອກ
ບາງປະໂຫຍກສັ້ນໆ:
“ວິທີຮັກລູກນ້ອຍ
ບໍ່ແມ່ນເອົາໃຈ,ຕາມໃຈ
ແຕ່ຕ້ອງບອກ, ຕ້ອງສອນ
ນີ້ຈິ່ງແມ່ນຄວາມຮັກ”
ພໍ, ລູກຂໍຢຸດຂຽນເທົ່ານີ້
ຂໍລາແມ່ໄປຊົ່ວກາລະນານ
ລົງຊື່: ລູກຂອງແມ່-ຄົນຂີ້ຄຸກ!
ບູຮານກ່າວໄວ້ວ່າ: ຮັກງົວຕ້ອງຜຸກ ຮັກລູກຕ້ອງຕີ….. ສະນັ້ນການທີ່ພໍ່ແມ່ຂ໊ຽນ ຕີລູກໃນຍາມດື້້ນັ້ນ ແມ່ນສອນໃນຕົວ ແລະ ຕີລູກອາດເຈັບທີ່ຜິວໜັງ ແຕ່ພໍ່ແມ່ເຈັບທີ່ໃຈເດີ
➡️ ນີ້ເປັນພຽງເລື່ອງທີ່ຕ່າງປະເທດ
ເຂົາເຈົ້າແຕ່ງຂື້ນມາເປັນຂໍ້ຄິດ
ໃນບາງແງ່ມຸມໃຫ້ຜູ້ປົກຄອງ
ຄິດໃນການລ້ຽງດູລູກຫລານ
ເພື່ອກັນບໍ່ໃຫ້ສິ່ງບໍ່ດີເກີດຂື້ນກັບທຸກຄົນ.
➡️ ການສຶກສາ ເປັນອາວຸດທີ່ແຂງແຮງທີ່ສຸດທີ່ເຈົ້າຈະໃຊ້ປ່ຽນໂລກຫນ່ວຍນີ້ (Nelson Mandela)
➡️ ຈົ່ງແຊຕໍ່ຖ້າເຫັນວ່າມັນມີຄວາມຫມາຍຖືກຕ້ອງ!