ສາວຮ່ວມມືກັບພໍ່ ຄາດຕະກຳແຟນໜຸ່ມ ເພື່ອແຕ່ງດອງຢູ່ກິນກັບພໍ່ຕົນເອງ.

ສາວຮ່ວມມືກັບພໍ່ ຄາດຕະກຳແຟນໜຸ່ມ ເພື່ອແຕ່ງດອງຢູ່ກິນກັບພໍ່ຕົນເອງ. ເລື່ອງລາວຂອງຂອງຄະດີສະເທືອນຂວັນຂອງຜູ້ຍິງຄົນໜຶ່ງ ທີ່ວາງແຜນຄາດຕະກຳແຟນຕົນເອງ ເມື່ອປີ 2019 ແລະຫຼັງຈາກທີ່ລົງມືສຳເລັດກໍ່ລົງເອີຍດ້ວຍການແຕ່ງດອງກັບພໍ່ແທ້ໆຕົນເອງ ໃນທີ່ສຸດກໍ່ຖືກເປີດໂປງແລະໂທດຈຳຄຸກ 40ປີ. ນາງ Amanda ອາຍຸ 32ປີ ຍອມຮັບສາລະພາບຜິດໃນເດືອນ ຕໍ່ຂໍ້ຫາຄາດຕະກຳ ເປັນເຫດເຮັດໃຫ້ທ້າວ Jonh Thomas ອາຍຸ 38ປີ ຈົນເສຍຊີວິດ.

ນາງແລະພໍ່ຂອງນາງລົງມືຟາດຫົວຂອງທ້າວ Jonh ດ້ວຍຂວດແກ້ວໄວນ໌ ກ່ອນນຳຮ່າງມາມັດແລະສີດເມທແອມເຟຕາມິນເຂົ້າຮ່າງກາຍ ຈາກນັ້ນລົງມືບີບຄໍຈົນເສຍຊີວິດໃນທີ່ສຸດ ແລະ ໄດ້ນຳຮ່າງຂອງ Jonh ມາຝັງໄວ້ບໍລິເວນສວນຫຼັງເຮືອນຂອງທ້າວ Larry Paul ພໍ່ແທ້ໆຂອງນາງ Amanda ເມື່ອທຸກຢ່າງລົງຕົວແລ້ວນາງ Amanda ກໍ່ໄດ້ຕົກລົງປົງໃຈແຕ່ງດອງຢູ່ກິນກັບພໍ່ຂອງຕົນ.

ຮ່າງຂອງທ້າວ Jonh ຖືກຄົ້ນພົບໃນວັນທີ່ 24 ກັນຍາ 2020ຢູ່ທີ່ສວນຫຼັງເຮືອນຂອງ Larry Paul. ທ້າວ Larry Paul ຜູ້ເປັນພໍ່ຂອງນາງແມ່ນອາຍຸ 56ປີ ສານຕັດສິນຈຳຄຸກຕະຫຼອດຊີວິດໂດຍປາສະຈາກຄວາມເມດຕາໃດໆຈາກສານ. ສ່ວນແຮງຈູງໃຈທີ່ເຮັດແບບນີ້ນັ້ນຍ້ອນວ່າ Jonh ຢູ່ໃກ້ສິດກັບ Amanda ຕະຫຼອດເວລາເຮັດໃຫ້ພໍ່ຂອງນາງບໍ່ພໍໃຈແລະບໍ່ຕ້ອງການ ແລະ Jonh ກໍ່ໄດ້ບອກກັບພໍ່ຂອງນາງວ່າ ລາວຮັກນາງ Amanda ຫຼາຍ ແລະ ລາວຈະແຕ່ງດອງກັບນາງ ເຫດນັ້ນຈຶ່ງເຮັດໃຫ້ Larry ພໍ່ຂອງນາງ Amanda ໃຈຮ້າຍແລະໃຊ້ຂວດໄວນ໌ຟາດຫົວຂອງ Jonh ຈົນສະຫຼົບແລະຮ່ວມມືກັບນາງລົງມືຄາດຕະກຳຢ່າງໂຫດຫ້ຽມ.

ທີ່ມາ: fox23

error: ເນື້ອຫາໄດ້ຮັບການປົກປ້ອງ !!