ສ.ອາເມລິກາ ປັບໃໝ ທະນາຄານ ອິດສະຣາແອນ ເກືອບ 900 ລ້ານໂດລາ

ຕາມຂ່າວສານຫວຽດນາມ, ວັນທີ 2  ເດືອນພຶດສະພາ, ສ. ອາເມລິກາ ໄດ້ປັບໃໝ ທະນາຄານ Hapoalim ຂະໜາດໃຫຍ່ສຸດ ຂອງ ອິດສະຣາແອນ ເກືອບ 875 ລ້ານໂດລາ ເນື່ອງຈາກ ບໍ່ລາຍງານ ຊັບສິນ ມູນຄ່າ 7,6 ຕື້ໂດລາ ໃນບັນດາ ບ້ວງເງິນ ຢູ່ສະວິດ ແລະ ອິດສະຣາແອນ. ນິ້ຖືເປັນ ໜຶ່ງໃນ ບັນດາ ການປັບໃໝ ຂະໜາດໃຫຍ່ສຸດ ທ່ີນຳໃຊ້ ໃນການ ກວດກາ ໜີພາສີ ເປັນເວລາ ດົນນານ ຂອງ ສ.ອາເມລິກາ ເຂົ້າໃນລະບົບ ທະນາຄານ ສະວິດ. Hapoalim ໄດ້ຖືກ ກະຊວງ ຍຸດຕິທຳຂອງສ.ອາເມລິກາ (DoJ) ປັບໃໝ ເພີ່ມຕື່ມ 30 ລ້ານໂດລາ ຍ້ອນ​ໃຫ້ເງິນສິນ​ບົນ ທ່ີພົວພັນເຖິງ ການສໍ້ລາດບັງຫລວງ ຢູ່ສະຫະພັນບານເຕະໂລກ (FIFA) ເຊິ່ງມີ ສຳນັກງານ ຕັ້ງຢູ່ Zurich, ປະ​ເທດ​ສະ​ວິດ. ຖະ​ແຫລ​ງການ ສະ​ເພາະ ​ປະກາດ​ວ່າ Hapoalim ​ໄດ້​ຍອມຮັບ​ວ່າ ​ໄດ້​ຟອກ​ເງິນ​ຫລາຍ​ກວ່າ 20 ລ້ານ​ໂດ​ລາ​​ ​ເພື່ອ​ເອົາ​​ເງິນສິນ​ບົນ ​ໃຫ້​ບັນ​ດາ​ເຈົ້າໜ້າ ບານ​ເຕະ​ ແຖວ​ໜ້າ ​ຂອງ​ໂລກ. ສາຂາ​ ທະນາຄານ​ນີ້ ຢູ່​ປະ​ເທດ​ສະ​ວິດ ​ໄດ້​ເຂົ້າ​ຮ່ວມ ​ໃນ​ແຜນການ ​ດັ່ງກ່າວ ນັບ​​ແຕ່​ເດືອນ 12/2010 ​ເຖິງ ​ເດືອນ 2/2015.​ ບັນດາ​ ກຸ່ມ​ເປົ້າ​ໝາຍ ​ຕ້ອງ​ໄດ້​ ສົ່ງເງິ​ນສີນ​ບົນ​​ ຄືນໝົດ  ​ໂດຍ​ຍປະກອບ​ມີ ບໍລິສັດ ​ທ່ີ​ມີ​ ສ່ວນ​ຮ່ວມ​ ກັບ​ ກິລາ ​ເພື່ອ​ຈັດ​ແຈງ ມອບ​ສິດ​ ໃນ​ການ​ ໃຫ້​ລາງວັນ​ ແກ່​ທີ​ມ​ເຕະບານ​ໂລກ FIFA World Cup.

error: ເນື້ອຫາໄດ້ຮັບການປົກປ້ອງ !!